تم کون ھوتے ھو
تحریر محمد اظہر حفیظ

سانسیں اگر میری ھیں تو مجھے لینے دو تم کون ھوتے ھو گننے والے، زندگی اگر میری ھے تو جینے دو تم کون ھوتے ھو سمجھانے والے۔ کیمرے اگر میرے ھیں تو تصویریں بنانے دو تم کون ھوتے ھو ھٹانے والے، گاڑی اگر میری ھے تو چلانے دو تم کون ھوتے ھو گھبرانے والے، راستے اگر میرے ھیں تو جانے دو تم کون ھوتے ھو راھنمائی کرنے والے، مذھب اگر میرا ھے تو سمجھنے دو تم کون ھوتے ھو سمجانے والے۔ رب اگر میرا اپنا ھے سجدہ کرنے دو تم کون ھو بتانے والے، اولاد اگر میری ھے تو ساتھ ساتھ ھنسنے دو تم کون ھوتے ھو رلانے والے، بیوی اگر میری ھے تو رھنے دو تو تم کون ھوتے ھو پوچھنے والے، ملک اگر میرا ھے گھومنے دو تم کون ھو رکاوٹیں کھڑی کرنے والے، گھر اگر میرا ھے تو رھنے دو تم کون ھوتے ھو نگرانی کرنے والے، پیسہ اگر میرا ھے خرچنے دو تم کون ھوتے ھو احتیاط بتانے والے، بارش اگر رب کی ھے برسنے دو تم کون ھوتے ھو موسم بتانے والے، ھم اگر امت محمدی صلی اللہ علیہ وسلم ھیں تو خوش قسمتی ھے ھماری تم کون ھوتے ھو بہکانے والے۔ الفاظ اگر میرے ھیں تو لکھنے دو تم کون ھوتے ھو تصیح کرنے والے،رنگ اگر میرے ھیں تو لگانے دو تم کون ھوتے ھو ترتیب بتانے والے، شعر اگر میرے ھیں سنانے دو تم کون ھوتے ھو پابند آزاد بتانے والے، میں اگر اکیلا ھوں تو رھنے دو تم کون ھوتے ھو جوڑے بنانے والے۔ رات اگر ھوگئی ھے تو ھونے دو تم کون ھوتے ھو صبح بتانے والے، سورج اگر غروب ھو رھا ھے تو ھونے دو تم کون ھوتے ھو طلوع بتانے والے، ھوا اگر چل رھی ھے تو چلنے دو تم کون ھوتے ھو آندھی بنانے والے، خوشبو اگر آرھی ھے تو آنے دو تم کون ھوتے ھو نام بتانے والے۔ میں اگر زندہ ھوں تو رھنے دو تم کون ھوتے ھو موت کا حساب لگانے والے۔ میں اگر رو رھا ھوں تو رونے دو تم کون ھوتے ھو ھنسانے والے، میں اگر بھوکا ھوں تو رھنے دو تم کون ھوتے ھو دسترخوان لگانے والے، میں اگر پیاسا ھوں تو رھنے دو تم کون ھوتے ھو سبیل لگانے والے، میں اگر انسان ھوں تو رھنے دو تم کون ھوتے ھو مجھے میرے بارے میں بتانے والے، میں اگر بیوقوف ھوں تو رھنے دو تم کون ھوتے ھو عقل سکھانے والے، میں اگر موٹا ھوں تو رھنے دو تم کون ھوتے ھو ورزشیں بتانے والے، میں اگر سرکاری ملازم ھوں تو رھنے دو تم کون ھوتے ھو طریقے بتانے والے، میں اگر حلال کھاتا ھوں تو کھانے دو تم کون ھوتے ھو حرام بتانے والے، میں اگر خوشحال ھوں تو رھنے دو تم کون ھوتے ھو فضول خرچی سمجھانے والے، ٹی وی اگر میرا ھے تو دیکھنے دو تم کون ھوتے ھو دیکھانے والے، کان اگر میرے ھیں تو سننے دو تم کون ھوتے ھو سنانے والے، دل اگر میرا ھے تو دھڑکنے دو تم کون ھوتے ھو میری نبض پکڑنے والے، راتیں اگر میری ھیں تو جاگنے دو تم کون ھوتے ھو لوری سنانے والے، پہاڑ اگر میرے ھیں سر کرنے دو تم کون ھوتے ھو پابندیاں لگانے والے، دریا اگر میرے ھیں تیرنے دو تم کون ھوتے ھو کشتیاں چلانے والے، بندوق اگر میری ھے تم کون ھوتے ھو لائسنس بنانے والے، تنخواہ اگر میری ھے خرچنے دو تم کون ھوتے ھو ٹیکس لگانے والے، ووٹ اگرمیرا ھے ڈالنے دو تم کون ھوتے ھو پوچھنے والے، کھانا اگر میرا ھے کھانے دو تم کون ھوتے ھو چکھنے والے، شناختی کارڈ اگر میرا ھے تو میرا ھے تم کون ھوتے ھو دیکھنے والے، فون اگر میرا ھے تو میرے پاس رھنے دو تم کون ھوتے ھو جمع کرنے والے، نیند اگر میری ھے تو سونے دو تم کون ھوتے ھو جگانے والے۔ موت اگر میری ھے تو مرنے دو تم کون ھوتے ھو بچانے والے۔ میں اگر اللہ کا اللہ میرے تو رھنے دو۔ تم کون ھوتے ھو درمیاں آنے والے