شوگر
تحریر محمد اظہر حفیظ

اکیس سال سے شوگر کا مریض ھوں ۔ ھر طرح سے کوشش کی پر مینج نہیں ھورھی تھی۔ مسلسل 120یونٹ روزانہ انسولین لگا رھا تھا۔ کچھ ماہ سے میں نے خوراک کو مینج کیا اور انسولین 80 یونٹ روزانہ تک آگئی۔ میں بہت خوش تھا۔ پر ابھی بھی انسولین کی مقدار بہت زیادہ تھی جس کی وجہ سے میں مختلف جسمانی پیچیدگیوں کا شکار ھو رھا تھا۔ ھر طرح کے ڈاکٹر صاحبان کے پاس گیا کوئی پیٹ کاٹنے کا مشورہ دیتا تھا کہ صرف دس لاکھ میں آپ کی انسولین چھوٹ جائے گی۔ پر پیٹ کو کون کٹوائے۔ کچھ دوست حکیمی نسخے بھی لیکر آئے پر امی جی کی حالت ھم دیکھ چکے تھے ان حکیمی نسخوں کے استعمال سے کیا ھوتی تھی شوگر قابو سے باھر ھوجاتی تھی ۔ اسلئے کبھی آزمانے کی کوشش نہیں ۔ پھر کچھ دم والی پارٹیاں بھی سامنے آئیں پر سب ھی رنگ بازی تھی۔ پچھلے دنوں میرے ایک عزیز کا پاوں کاٹنا پڑا شوگر کنٹرول نہ کرنے کی وجہ سے۔ پر اب ان کی شوگر حیران کن طور پر بغیر انسولین کنٹرول ھے وہ صرف 30 یونٹ انسولین لگانے تھے۔ کچھ دن پہلے عبدالعلیم بھائی جو میرے چچا بھی ھیں اور میری کزن کے میاں ھونے کی وجہ سے بھائی بھی ھیں۔ ھر دوائی ان کے مشورے سے استعمال کرتے ھیں۔ ماشاءاللہ اب ایک فارماسوٹیکل کمپنی کے مالک ھیں۔ دوائی کو بہت اچھی طرح سمجھتے ھیں۔ کہنے لگے یار اظہر اتنی انسولین تو بہت نقصان دہ ھے اس کو کنٹرول کرو۔ جی بھائی راھنمائی کریں کیسے۔ تو کہنے لگے طاھر بھائی جن کا پاوں شوگر کی نظر ھوگیا انکو سلاد پر شفٹ کیا ھے اور انسولین چھوٹ گئی ھے۔ بھائی راھنمائی کریں۔ اچھا ناشتے میں جو کے آٹے کی ایک چپاتی کھا لو اگر بہت دل کرے تو ورنہ سلاد بہترین غذا ھے پیٹ بھر کے کھاو بار بار کھاو۔ جوس کوئی نہیں پینا جی بہتر۔ سلاد میں راھنمائی فرمائیں بھائی جان۔ یار دو کھیرے، آدھا سیب، ابلا ھوا تھوڑا سا چکن، انار تھوڑا سا، آلو ابلا ھوا، گاجر ابلی ھوئی، بند گوبھی، ان سب کو کاٹ لو اور مکس کر کے انجوائے کرو۔ آپ چاھیں تو کالے چنے بھی ابال کر ڈال سکتے ھیں۔ کوئی مصالحہ، نمک یا چینی ڈالنے کی ضرورت نہیں ھے۔ جتنی مرضی دفعہ کھاو کوئی مسئلہ نہیں ھے یہ ایک بہت مناسب ڈونگا بن جاتا ھے جو پیٹ بھرنے کیلئے کافی ھے ۔ میں نے دوپہر، شام اور رات کو ایک ایک ڈونگا کھانا شروع کردیا۔ الحمدللہ اب میں صرف 10 یونٹ انسولین لگا رھا ھوں طبعیت کی خرابی کی وجہ سے ابھی واک بند ھے۔ جیسے ھی طبعیت بحال ھوگی انشاءاللہ یہ 10 یونٹ سے بھی جان چھوٹ جائے گی۔ شوگر 74 سے 96 تک رھتی ھے خالی پیٹ اور کھانے کے بعد بھی رات کو تھوڑی تیز ھوتی ھے تو مجھے 10 یونٹ انسولین لگانی پڑتی کیونکہ مجھے دن میں تین سے چار کیلے کھانے پڑے ھیں تاکہ ٹانگوں میں کھچاو نہ آئے۔ اس میں بہت اچھے وٹامنز ھیں۔ زندگی بہت بہتر ھورھی ھے۔ آنکھیں کھل گئی ھیں وزن کنٹرول ھورھا ھے۔ میں دن میں دو دفعہ شوگر لیول چیک کرتا ھوں تاکہ اس کو بہتر طور پر مانیٹر کیا جاسکے۔ مجھے ٹائپ ٹو شوگر ھے۔ پہلے میں اس سے لڑ رھا تھا۔ اب میں اس کو اللہ کے فضل سے مینج کر رھا ھوں۔ یوٹیوب پر بھی اس کے متعلق ویڈیوز دیکھیں تھیں۔ پر جب عمل کیا تو اچھا لگا۔واک کریں، سلاد کھائیں، شوگر لیول چیک کریں اور انسولین سے جان چھڑائیں۔ جب میں نے اپنے ڈاکٹر کو بتایا کہ سر انسولین 120 یونٹ سے 10 یونٹ پر آگئی ھے تو انھوں نے بھی اس طریقہ کار کی تصدیق کی۔ امید ھے اگلے کچھ دن میں واک شروع ھوجائے گی اور انسولین سے جان مکمل چھوٹ جائے گی۔ انشاءاللہ
عبدالعلیم بھائی کا شکریہ جنہوں نے مجھے گائیڈ کیا ۔ محمد طارق حفیظ بھائی کا شکریہ جو یہ سب چیزیں لیکر آتے ھیں۔ بیگم اور بیٹیوں کا بھی شکریہ جو مزے مزے کے سلاد میرے لئے بناتی ھیں۔
عمل کرکے دیکھیں آپ دعائیں دیں گے انشاءاللہ۔شوگر ضرور چیک کرتے رھیں کہیں دوائی کھانے سے لو نہ ھوجائے۔ دوائی یا انسولین ھمیشہ چیک کرکے استعمال کریں ویسے آپ کو اس کی ضرورت محسوس نہیں ھوگی۔ انشاءاللہ