سینٹورس میں ھی تے بنایا سی، کئی واری زیادہ دھپ ھووئے تے میں چک کے چھاویں رکھ دینا واں، جے کدی بارش وچ گیلا ھوجاوے تے فر چک کے دھپ وچ رکھ دینا واں، تاکہ سک جاوے تے زنگ لگن تو بچ جاوے ، جدوں وی چک کے ادھروں ادھر کردا واں تے لوکی سمجھدے نے بھونچال آگیا اے، پر ھن میں کس کس نوں دساں اصل گل کی اے ، اس دن تے بڑا شغل لگیا میں سائیکل دے پیچھے بن کے سینٹورس نوں مونال لے کے جارھیا سی تھے ایک سپیڈ بریکر آگیا فر کی ھونا سی جیڑے چوتھی منزل تے بیٹھے برگر کھا رھے سن انناں دے ھتھ وچ بند ھی رھ گیا تے بوٹیاں باھر ڈگ پیاں، اک بندے دی چٹی شرٹ تے کافی کافی ساری ڈگ پئی تے جیڑی اودے سامنے کڑی بیٹھی سی اسدا تے ھاسا ھی نکل گیا، ھسدیاں ھسدیاں اس دے منہ وچوں کیچپ نکل کے کافی اوتے جا پئی ھن تے اس دی شرٹ آرٹ پیس لگ رھی سی، جس طرح لوکی بلیک کافی نال پینٹ کردے نے تے اس دے اوتے عمران قریشی لال رنگ دے پتے بنا دیندا اے پر کیچپ دی ڈیٹیل اس طرح نہیں سی، جس طرح عمران قریشی بنادا اے، بلکہ ملک محمد اشرف دے لال موٹے رنگ وانگوں چمڑی ھوئی سی، دونوں پیار محبت دیاں گلاں بھل گئے سن تے کڑی کہہ رھی سی تسی فکر نہ کرو برائٹ سب رائٹ کردے گا، اننی دیر وچ مونال آگیا پر اوتھے رکھ کے ویکھیا سینٹورس ھوا نال ھلدا سی فر چک کے سائیکل تے رکھیا تے واپس اترنا شروع کر دیتا اس سارے کم وچ سائیکل دا کیرئیر وی میرے کیرئیر دی طرح تباہ ھوگیا، ٹٹے کیرئیر تے بڑے دھیان نال سینٹورس رکھیا ھویا سی کیتے ڈگ نہ پووے، بڑی مشکل نال واپس آیا تے سینٹورس نوں دوبارہ ایلفی نال چنگی طرح جوڑ کے رکھ دیتا، ایک سیکنڈ تک سینٹورس نوں دب کے وی رکھیا تاکہ جوڑ پکا ھوجاوے، اس تو بعد ھاٹ گیلو وی بھر دتی تاکہ بلڈنگ تھوڑی ھاٹ وی نظر آوے، فر واپس بلیو ایریا دے پل تھلے پے کے سوں گیا، مال والا مال لے کے نہیں آیا سی، حالانکہ اینی دیر وچ میں سینٹورس مال نوں مونال لےجاکے واپس وی لے آیا سی، تے جوڑ وی دتا سی، لو جی ساڈا مال والا وی آگیا ، اٹھ اوئے جلدی نال پیسے کڈ کیتے پلس نہ آجاوے، یار اج پیسے تے نئی ھیگے تو اس طرح کر سینٹورس رکھ لے یا وفر اج اس پل دا ھی سودا کر لے، یار تسی نشئی وی نا کسے کم دے بندے نئی او ھوم ڈلیوری وی دیئو تے کیش آن ڈلیوری وی، پر کیش کوئی نہیں بس بہانے ، یار اج سارا دن سینٹورس نوں سنبھالدا رھیا تے نہ ردی اکٹھی ھو سکی تے نہ ھی بھیک منگ سکیا، توں بس میری حکومت بن جان دے سب نشے فری کردیاں گا، اج دے پیسے دے ، گلاں نہ کر پہلے وی اک اسی طرح دیاں گلاں کردا وزیراعظم بن گیا اے، مال پین واسطے لیندا اے تے کدی کسے دی گڈی وچ رکھ دیندا اے تے کدی کسے دی گڈی وچ، اچھا اے تے بڑی ودھیا گل دسی اے، ھن مال کیش تے لیندا اے یا ادھار، نہیں یار مال ھمیشہ اسنوں دوست ھی لیکے دیندے نے، اس دا تے تنخواہ وچ گزارہ ھی نہیں ھوندا، اس نے تے اپنا بندوبست کرلیا اے پناہ گاہ تے دستر خوان بنا کے کل بیٹھا رھیا میرے کول اسی طرح کوٹ پاٹیا ھویا، اوھی پٹھانی چپل، کہن لگا یار گھر بیچ کے مال لے لوں گا، رھوں گا پناہ گاہ میں ، کھاوں گا دسترخواں سے بڑھاپا اچھا گزر جائے گا، سوچ رھا ھوں پناہ گاہ کے ساتھ کچھ مرغیاں رکھ لوں دیسی انڈے بہت فائدے مند ھوتے ھیں، بس زندگی کے سارے مقاصد حاصل ھوگئے ھیں، اب اور کوئی خواھش نہیں، مرشد بھی گھر کا اور لنگر بھی گھر کا، بس تم نے گھبرانا نہیں ھے مال میں ھمیشہ تم سے ھی خریدوں گا، تمھیں تو پتہ ھی ھے میں یاروں کا یار ھوں، میں جب بھی کچھ نیا بنانے لگتا ھوں تم مال لیکر آجاتے ھو، اس کا احتساب ھوگا، اور تم اپنی ذمہ داری قبول کرو گے، تم مجھے شروع سے جانتے ھو لیکن میں پھر بھی تمھیں این آر او نہیں دوں گا، تمھارے مجھ پر بہت احسان ھیں مال وقت پر پہنچاتے ھو، لیکن میں تمھیں چھوڑوں گا نہیں، جیل میں ڈال دوں گا۔